یار بھی راہ کی دیوار سمجھتے ہیں مجھے
میں تو چپ ہوں کہ اندر سے بہت خالی ہوں
اور لوگ ہیں کہ پراسرار سمجھتے ہیں مجھے
میں بدلتے ہوئے حالات میں ڈھل جاتا ہوں
دیکھنے والے فنکارسمجھتے ہیں مجھے
وہ جو اُس پار ہیں ان کے لیے اِس پار ہوں میں
اور جو اِس پار ہیں اُس پار سمجھتے ہیں مجھے
نیک لوگوں میں نیک گِنا جاتا ہے مجھے
اور گنہگار ، گنہگار سمجھتے ہیں مجھے
یار بھی راہ کی دیوار سمجھتے ہیں مجھے
میں سمجھتا تھا میرے یار سمجھتے ہیں مجھے
No comments:
Post a Comment